ប្តីប្រពន្ធអូស្ត្រាលីមួយគូបានសាងសង់ផ្ទះមួយខ្នងដែលអាចបង្វិលតាម ពន្លឺព្រះអាទិត្យបាន របស់លោកLuke និង Debbie Eyeringgham ក្នុងសង្កាត់ Wingham តំបន់ New South Wales អាចផ្លាស់ទីពេញ ៣៦០ដឺគ្រេ (មួយជុំ) បានដោយសារតែគ្រោងផ្ទះទាំងមូលត្រូវបានសាងសង់លើដុំដែលអាចបង្វិលបាន។ បន្ទប់មានរាងអដ្ឋកោណ(៨ជ្រុង) ត្រូវបានធ្វើឡើងឲ្យ មានសភាពស្រាលជាងបន្ទប់ធម្មតា ហើយបន្ទប់ទាំងនោះក៏មានលក្ខណៈទូលាយជាងធម្មតាផងដែរ។ បន្ទប់ទាំងអស់បានតភ្ជាប់នឹងបំពង់នៅកណ្តាលផ្ទះជាច្រើន និងមានប្រព័ន្ធអគ្គិសនីជុំវិញដែលអាចឲ្យផ្ទះនេះ ធ្វើចលនាវិលជុំវិញបាន។ម៉ាស៊ីនដែលប្រើប្រាស់សម្រាប់បង្វិលផ្ទះនេះមានចំនួន២ ហើយទំហំរបស់វាមិនធំជាងម៉ាស៊ីនបោកខោអាវឡើយ និងមានផ្ទាំងបញ្ជាលើផ្ទៃអេក្រង់ដែលត្រូវបានបំពាក់នៅក្នុងបន្ទប់ទទួល ភ្ញៀវ។
ប្តីប្រពន្ធមួយគូដែលបានចំណាយប្រាក់ ៤០០ ០០០ ផោនដើម្បីគូរម៉ូឌ និងសាងសង់ផ្ទះនេះ បានប្រាប់ថាពួកគេបានគំនិតនេះ មកពីអ្នកជិតខាងដែលបាននិយាយពីផ្ទះថ្មីរបស់ពួកគេ។ ពួកគេនិយាយថា ប្រសិនបើពួកគេអាចសាងសង់ផ្ទះរបស់ពួកគេឡើងវិញ ពួកគេនឹងបំបែផ្ទះរបស់ពួកគេ ១៥ដឺគ្រេទៅទិសខាងជើងមិនខានហើយពេលនោះអ្នកស្រី Eyeringgham បានតបទៅវិញថាតើល្អទេបើសិនមានផ្ទះដែលអាចបង្វិលខ្លួនឯងបាន?
ហើយលោក Eyeringgham បានតបទៅវិញបាននិយាយថា ភ្លាបៗនោះ ខ្ញុំបានគិតអំពីទំងន់។ ផ្ទះធម្មតាមានទំងន់ជាមធ្យមប្រហែលពី ២០ទៅ ៣០ តោន។ ប៉ុន្តែទំងន់មិនមែនជារឿងពិបាកដោះស្រាយនោះទេ។ បន្ទាប់ពីការធ្វើពិសោធន៍ វាស់កំរិតញ័ររបស់ អដ្ឋកោណ និងរាងមូលរួចមក ខ្ញុំមានការភ្ញាក់ផ្អើលយ៉ាងខ្លាំង។ ដូច្នេះការច្នៃម៉ូឌ និងគ្រោងផ្ទះក៏ត្រូវវបានធ្វើឡើង។ ផ្ទះនេះមានអង្កត់ផ្ចិត ២៤ម៉ែត្រ និងវេរ៉ង់ដាព័ទ្ធជុំវិញផងដែរ។
លោកបានបន្ថែមថា វាជាកន្លែងដ៏អស្ចារ្យ សម្រាប់រស់នៅ ពីព្រោះវាអាចធ្វើឲ្យមានអាកាសធាតុ និងបរិយាកាសជុំវិញយើងមានភាពល្អប្រសើរបំផុត។ បញ្ហាតែមួយគត់ដែលមាននោះគឺថា ពេលខ្លះអ្នកអាចមានអារម្មណ៍វង្វែងបន្តិច។
ដកស្រង់ចេញពី Everyday.com.kh
0 comments:
Post a Comment
Welcome To 4khmerarchitect Website