ទ្រឹស្តី ថ្មីដែលថាផែនដីយើង មានព្រះច័ន្ទពីរ គឺជាទ្រឹស្តីមួយដែលអាចពន្យល់ថាហេតុអ្វីបានជាព្រះច័ន្ទផ្នែក ម្ខាងទៀតមានរាងខុសពីផ្នែកដែលយើងមើលឃើញសព្វថ្ងៃ។បើតាមអ្នកវិទ្យាសាស្រ្តគេនិយាយថា ផែនដីយើងកាលពីរាប់ពាន់លានឆ្នាំមុនមានព្រះច័ន្ទពីរ មានមួយតូច ហើយមួយទៀតធំ(ព្រះច័ន្ទដែលយើងឃើញសព្វថ្ងៃ)។ ហើយអ្នកវិទ្យាសាស្រ្តបានបញ្ជាក់ថា ព្រះច័ន្ទទាំងពីរប្រហែលជា បានប៉ះទង្គិចគ្នា បានជានៅផ្នែកម្ខាងទៀតនៃព្រះច័ន្ទមើលទៅដូចជាមានដុំអ្វីធំ មួយមកបុកវាអីចឹងដែលបង្កើតបានជាដុំពកមួយខុសប្លែកពីសំបក របស់ព្រះច័ន្ទធម្មតា។
ដំបូងទ្បើយព្រះច័ន្ទទាំងពីរគឺវិលជុំវិញផែនដីយើង តែដោយសារទំនាញរបស់ផែនដី និង ព្រះអាទិត្យ បាន ធ្វើឲ្យព្រះច័ន្ទទាំងពីរបុកគ្នា។
ចុះបើបុកគ្នាមែនហេតុអ្វីក៏មិនមានស្នាមខូង?
ព្រះច័ន្ទទាំងពីរនេះមិនមែនបុកគ្នាដោយមានល្បឿន លឿននោះទេ គឺវាបុកគ្នាដោយ ការវិលទៅប៉ះគ្នាក្នុងល្បឿនធម្មតាមួយ ហើយក៏ជាប់គ្នាតែម្តងទៅ។
បានជាអ្នកវិទ្យាសាស្រ្តហានធ្វើការសន្និដានបែប នេះព្រោះថាគេបានឃើញភពដទៃទៀតមាន ព្រះច័ន្ទលើសពីមួយ ដូចជាភពព្រះអង្គារមានព្រះច័ន្ទពីរ ចំណែកឯភព ភ្លុយតូ មានព្រះច័ន្ទដល់ទៅ ៤។
ប្រសិនបើព្រះច័ន្ទទាំងពីរនោះមិនបានបុកគ្នាកាល ពីរាប់ពាន់លានឆ្នាំមុនទេនោះ ប្រហែលជាយើងអាចបានឃើញទិដ្ឋភាពដ៏អស្ចារ្យជាមិនខានទេ ព្រោះថាព្រះច័ន្ទពីរគឺយើងអាចមើលចន្រ្ទគ្រាស និងសូរ្យគ្រាសបានទ្វេដង។ ហើយមានអ្វីប្លែកៗពីនេះទៀតដែលយើងមិនអាចនឹកស្នានដល់។
គួរឲ្យសោកស្តាយណាស់ដែលផែនដីរបស់បាត់ព្រះច័ន្ទមួយ។
0 comments:
Post a Comment
Welcome To 4khmerarchitect Website