កាលពីមុនមនុស្សភាគច្រើនតែងតែនាំគ្នាអួតពី សម្ភារៈប្រើប្រាស់ដូចជារថយន្តទំនើបៗ ម៉ាកឡិចស៊ីស ឡង់គ្រីស័រ រួមជាមួយម៉ូតូស៊េរីថ្មីទំនើប ទាន់សម័យ និងទូរស័ព្ទ។ ប៉ុន្តែបច្ចុប្បន្ននេះពួកគេចាប់ផ្តើម ងាកមករកការបង្អួត គ្នាពីគេហដ្ឋានដែលមាន អាងទឹកវិញ ម្តង។ គេហដ្ឋាន ដែលមានអាងទឹកជាគេហដ្ឋាន ដែលមានសោភ័ណភាពជាងគេ ផ្តល់ភាព សុខសាន្តដល់ក្រុមគ្រួសារ និងបង្កលក្ខណងាយស្រួលក្នុងការរស់នៅហើយ ព្រមទាំង បង្កើតអោយមានបរិយាកាស ជាមួយសម្រស់សួនច្បារប្រកបដោយ សិល្បៈធម្មជាតិពិត។
លោក សេង វត្ថា ម្ចាស់អាងហែលទឹកក្នុងគេហដ្ឋានមួយបានមានចំណាប់អារម្មណ៍ទៅលើការ បង្អួតគ្នាពីអាងហែលទឹកដូចនេះថា “ការរស់នៅ មានអាងហែលទឹកក្នុងគេហដ្ឋាន ធ្វើអោយជីវិតរស់រវើក មើលទៅហ៊ឺហារ សង្ហារដូចជា អ្នកមានទ្រព្យសម្បត្តិស្តុកស្តម្ភ ហើយមិនត្រឹមតែប៉ុណ្ណោះចង់ អោយអ្នកដ៏ទៃស្ងើចសរសើរថាខ្លួនជាមនុស្សឆ្លាតពូកែជាងគេ។
អាងហែលទឹកផ្តល់ភាពងាយស្រួលដល់ការរស់នៅរបស់ពួកគេ ដូចជា ពួកគេមិនបាច់ចំណាយពេលវេលាទៅសមុទ្រ ដើម្បីលំហែរកាយហែលទឹកកំសាន្តសប្បាយនោះទេ គឺពួកគេគ្រាន់តែចេញពីក្នុងផ្ទះ ហើយចុះហែលទឹកក្នុងអាងហែលទឹករបស់ខ្លួនជាការស្រេច។ អាងហែលទឹកផ្តល់ភាពត្រជាក់ ត្រជុំ និង ចម្រុងចម្រើនដល់គេហដ្ឋាន។
សម្រស់គេហដ្ឋានក៏ជាការទាក់ទាញអារម្មណ៍មនុស្សដ៏ទៃទៀត អោយ ងាកមើលមិនអាចខានបាន ព្រោះគេហដ្ឋានប្លែកស្អាតជាងគេ និងជាពិសេស នៅក្នុងបរិវេណដីក្នុងគេហដ្ឋាន មានអាងហែលទឹកជាមួយ មានទឹកថ្លា ដូចកញ្ចក់អាចឆ្លុះមុខបាន ទីធ្លាធំទូលាយជាមួយសួនច្បារដែលមានការរចនាឡើង ប្រកបដោយសិល្បៈលាយឡំចំរុះពណ៌ បញ្ចេញក្លិនក្រអូប គួរអោយចង់គយគន់។
លោកសេង វត្ថាបាននិយាយពីផ្ទះដែលគ្មានអាងហែលទឹកថា “មានសភាពសោះកក្រោះ ដូចភូមិគ្រឹះធំទូលាយអត់មនុស្សរស់នៅ។ គេហដ្ឋាន ស្អាតមានសួនច្បារ តែគ្មានអាងហែលទឹកជាបញ្ហាធ្វើអោយការរស់នៅខ្វះ ភាពអ៊ូរអរស្រស់ស្រាយ។ ជុំវិញការសង់អាងហែលទឹកក្នុងគេហដ្ឋានរបស់ លោកព្រហ្ម ផេង ម្ចាស់អាង ហែលទឹកនិយាយថា”ខ្ញុំធ្វើអាងហែលទឹកទៅតាម ក្បួនហុងស៊ុយ ព្រមទាំងធ្វើយ៉ាងណាអោយវាជួយបង្កើនសោភ័ណផ្ទះ និង ផ្តល់ផាសុខភាពដល់ក្រុមគ្រួសារខ្ញុំ។ ជាក់ស្តែងគេហដ្ឋានដូចជាផ្ទះវីឡាមុន នឹងសាងសង់គេតែងតែមើលក្បួនហុងស៊ុយដើម្បីជៀសវាងការសាងសង់ខុសក្បួន ដែលធ្វើអោយ ការរស់នៅមិនបានសុខសប្បាយ។ អាងហែលទឹកមិន ត្រឹមតែនាំមកនូវសេចក្តីសុខនោះទេ វាថែមជួយលើក សម្រស់គេហដ្ឋាន ថែមមួយកម្រិត និងជាពិសេសជាងនេះទៅទៀត វាជួយផ្នែកសុខភាពផងដែរ ព្រោះការហាត់ប្រាណហែលទឹក ជួយដល់ សរីរាង្គកាយយើង អោយមាន ភាពរឹងមាំ។
ចំណែកឯលោកព្រហ្ម ផេង ម្ចាស់អាងហែលទឹកក្នុងគេហដ្ឋានមួយផ្សេងទៀតបាននិយាយថា អាងហែលទឹកអាចជួយបន្ធូរបន្ថយនូវអារម្មណ៍តានតឹង បាន។ គាត់ និងក្រុមគ្រួសារតែងតែហែលទឹកជារៀងរាល់សប្តាហ៍ មានរហូត ដល់២ឬ៣ដងក្នុង១សប្តាហ៍ឯណោះ។ លោកផេងនិយាយថា “តាំងពីគាត់ធ្វើ អាងហែលទឹកមកមិនដែលមានបញ្ហាអ្វីកើតឡើងទេ ពោលគឺការរស់នៅចេះ តែមានសេចក្តីសុខរហូត។
លោកសេង រតនៈ ប្រធានក្រុមហ៊ុនស្ថាបនាអាងហែលទឹករហាត់ខ្មែរ បានពន្យល់ថា គោលបំណងក្នុងការធ្វើអាងហែលទឹកក្នុងគេហដ្ឋានគឺ ទី១៖ ដើម្បីរកប្រាក់ចំណូលបានច្រើន ព្រោះផ្ទះមានតម្លៃខ្ពស់ចំពោះការលក់ និងជួលអោយអតិថិជន ទី២៖ លើកសោភ័ណភាពគេហដ្ឋានអោយកាន់តែ មានសភាពស្រស់ស្អាត និងទី៣៖ ធ្វើអោយមានសុខភាពល្អ។ គេហដ្ឋានដែល មានអាងហែលទឹកអាចរកអតិថិជនងាយស្រួលជាង គេហដ្ឋានដែលគ្មាន អាងហែលទឹកហើយតម្លៃនៃការជួលក៏វាថ្លៃដែរ។ អ្វីដែលអាងហែលទឹកជួយ ផ្នែកសុខភាពនោះ គឺពេលដែលយើងហាត់ប្រាណហែលទឹកធ្វើអោយសួត យើងមានសុខភាពល្អ ងាយស្រួលក្នុងការដកដង្ហើម ជាពិសេសធ្វើអោយ សារពាង្គកាយទាំងមូលធ្វើចលនាងាយស្រួល និងធ្វើអោយសម្រស់កាន់តែ ស្អាត សាច់ដុំរឹងមាំខ្លាំង។ បើតាមការស្រាវជ្រាវរបស់លោកកន្លងមក “ការហែលទឹកគឺជាកីឡាដែលសំខាន់ជាងគេបំផុត។
អង្គុយស្រូបយកខ្យល់អាកាសនៅក្បែរអាងហែលទឹកក៏អាចបន្ធូរអារម្មណ៍ បានដែរដោយមិនចាំបាច់ទៅដល់ សមុទ្រនោះទេ។ លោកនិយាយ ថាជនបរទេសចូលចិត្ត អាងហែលទឹកណាស់ ព្រោះពួកគេចូលចិត្ត ហាត់ប្រាណ ហែលទឹក រត់កំសាន្តនៅចុងសប្តាហ៍ ពួកគេតែងតែហៅមិត្តភក្តិ កូនចៅមកហែលទឹក ញ៉ាំអាហារយ៉ាងរីករាយ។ ម្យ៉ាងទៀតដោយលោក យល់ឃើញថា គេហដ្ឋានដែលមានអាងទឹកនោះ ជាគេហដ្ឋានដែលស្ថិត ក្នុងលំដាប់ថ្នាក់ខ្ពស់ ពួកគេចង់បង្ហាញបង្អួតគ្នាអំពីសម្រស់វាព្រមទាំង ហៅ មិត្តភក្តិមកមើល និងហែលទឹកកំសាន្ត។ គេហដ្ឋានមានអាងហែលទឹកស្អាត មានទីធ្លាធំទូលាយ បង្កភាពសប្បាយរីករាយដល់ក្មេង និងជាការពិត មានអាងហែលទឹកដូចជាមានក្មេងៗច្រើននៅក្នុងគេហដ្ឋាន។
ការរចនាធ្វើ អាងហែលទឹកក្នុងគេហដ្ឋានលោកសេង រតនៈនិយាយថា ការធ្វើអាងហែល ទឹកក្នុងគេហដ្ឋានបានជុំរុញអោយមានការរស់នៅមានភាពស្រស់ស្អាត និង ផាសុខភាព។ ជុំវិញការធ្វើអាងហែលទឹក លោកនិយាយថា យើងអាច ជ្រើសរើសអាងហែលទឹក ទៅតាមគំរូណាមួយដែលយើងស្រលាញ់តាមបែប អ៊ឺរ៉ុប និងបែបអាស៊ីក៏បាន។ សំខាន់នៅត្រង់ថា តើយើងអាចមានលុយ គ្រប់គ្រាន់ដើម្បីសាងសង់វា ឬអត់។ មិនតែប៉ុណ្ណោះ គេត្រូវពិនិត្យមើលទំហំដី ក្នុងបរិវេណគេហដ្ឋានដើម្បីដឹងថា វាគួរអាចសាងសង់អាងហែលទឹកទំហំ ប៉ុណ្ណាទើបល្អនោះ។ លោកនិយាយថាមានលុយត្រឹមតែ១៥,០០០ដុល្លា គឺអាច ធ្វើអាងហែលទឹកដែលមានទំហំ៤x៨ ម៉ែត្រ និងជម្រៅប្រហែលមួយម៉ែតកន្លះដោយមានបំពាក់សម្ភារៈគ្រប់គ្រាន់យ៉ាង សមរម្យ។ អាងហែលទឹក មានពីរប្រភេទ ដែលទីមួយជាប្រភេទ (Overflow) ជាប្រភេទទឹកបង្ហៀរ និង ប្រភេទទីពីរហៅថា (Skimer) ជាប្រភេទអាងដែលមានលក្ខណៈទឹកមិនពេញ។ លោកបន្ថែមថា អាងហែលទឹកអាចមានប្រភេទទឹកសាប និងទឹកប្រៃ។ អាងទឹកប្រៃ គឺគេប្រើអំបិល និងទឹកសាបប្រើក្លរីន។ អាងទាំងពីរនេះ មាន គុណភាពប្រហាក់ប្រហែលគ្នាក្នុងការជួយកម្ចាត់ក្លិន កម្ចាត់មេរោគ កម្ចាត់ស្លែរ លើសតែម្យ៉ាង គឺប្រភេទអំបិល គឺជួយកម្ចាត់មេរោគសើរស្បែក។ លោកនិយាយថា អាងហែលទឹកដែលល្អជាងគេ គឺប្រភេទអាងហែលទឹកប្រៃ ហើយបច្ចុប្បន្នបរទេសចូលចិត្តប្រើប្រភេទទឹកប្រៃខ្លាំងណាស់។
ការថែទាំអាងហែលទឹក
លោកកៃ សនអ្នកថែរក្សាអាងហែលទឹកនៅតាមគេហដ្ឋានបាននិយាយថា ការថែរក្សាអាងហែលទឹកអោយបានស្អាតជាប្រចាំគឺយើងត្រូវអនុវត្តតាម គោលការណ៍ដូចជា សម្អាតមួយថ្ងៃយ៉ាងហោចណាស់ពីរដង ព្រឹកមួយដង ល្ងាចមួយដង និងត្រួតទឹកជាប្រចាំដោយប្រើបំពង់សីតុណ្ហភាពដើម្បីវាស់ កម្រិតជាតិអាស៊ីត ក្លរីនក្នុងអាងទឹក។ ប្រសិនបើកម្រិតជាតិអាស៊ីតខ្លាំង ឬក្លរ ច្រើនយើងអាចកាត់បន្ថយការប្រើប្រាស់ក្លរីន ឬក៏បន្ថែមសូដា តែបើខ្វះយើង បន្ថែមក្លរីនក្នុងទឹក។ លោកនិយាយថា ចំពោះអាងហែលទឹក គេគួរតែច្រោះវា យ៉ាងហោចណាស់ ៨ម៉ោងក្នុងមួយថ្ងៃ និងមានការប្តូរទឹកលាងធុងច្រោះមួយ ឬក៏ពីរដងក្នុងមួយសប្តាហ៍។ ធ្វើបែបនេះ វានឹងធ្វើអោយទឹកថ្លាស្រស់ស្អាត និងធ្វើអោយម៉ាស៊ីនទឹកដំណើរការល្អជាប្រចាំ។ ពេលទឹកមានការប្រែប្រួល វាអាចទៅជាខូចបាន ដូច្នេះយើងគួរតែយកចិត្តទុកដាក់រកវិធីសាស្ត្រធ្វើយ៉ាង ណាអោយទឹកស្អាតដូចដើមវិញ ដូចជាយើងត្រូវដាក់ក្លរបន្ថែម ឬចាក់អាស៊ីត ចូលទឹកដើម្បីកាត់ជាតិស្លែរ ឬក៏ប្រើថ្នាំស្លែរ និងបន្ថែមការច្រោះអោយកាន់តែយូរ ច្រើនជាង៨ម៉ោងក្នុងមួយថ្ងៃ ធ្វើបែបនេះទើបមានប្រសិទ្ធិភាព៕
ដកស្រង់ចេញពី ទស្សនាវដី្តគេហដ្ឋាន 
មានគំនិតពិចារណាជាច្រើន មិននឹងឆ្ពោះទៅរកការបង្កើតការិយាល័យ ក្នុងផ្ទះ។មិនត្រូវទិញសម្ភារៈច្រើនហួសប្រមាណពេកជួនកាលសម្ភរៈខ្លះ មិនមានការចាំបាច់សម្រាប់ការរៀបចំការិយាល័យក្នុងផ្ទះឡើយ។ចំណុច ខាងក្រោមមានសារៈសំខាន់ណាស់សម្រាប់ការរៀបចំការិយាល័យក្នុងផ្ទះដ៏ ល្អស្អាត។
