ការសាងសង់ផ្ទះដែលមានពន្លឺចេញចូលគ្រប់គ្រាន់ នៅផ្នែកខាងក្នុងមានភាពវិជ្ជមាន និងអវិជ្ជមាន។ ផលវិជ្ជមាននៅត្រង់ថា ផ្ទះដែលមានពន្លឺចេញចូលគ្រប់គ្រាន់ នៅផ្នែកខាង ក្នុងអាចជួយសន្សំសំចៃ ថាមពលពន្លឺអគ្គិសនី ដោយសារតែយើងអាចទាញយកពន្លឺព្រះ អាទិត្យបំភ្លឺក្នុងផ្ទះទាំងមូល ដូច្នេះវាអាចជួយកាត់បន្ថយចំណាយប្រាក់លើសេវាកម្មថាម ពលអគ្គិសនីបានច្រើននៅពេលថ្ងៃ។ ពិសេសជាងនេះទៅទៀត ពន្លឺថ្ងៃដែលចាំងចូលក្នុង ផ្ទះបានសម្លាប់មេរោគ ដែលស្ថិតនៅតាមតំបនងងឹតៗដូចជា គែមជ្រុងសសរ ជញ្ជាំង និង នៅតាមបន្ទប់ទឹកដែលធ្វើឱ្យការរស់នៅរបស់សមាជិកគ្រួសារមានភាព ស្រស់ស្រាយក្នុងជីវិត។នេះបើយោងតាមការពន្យល់របស់ លោក ប៊ូ ពុទ្ធី ប្រធានក្រុមហ៊ុន ខេម ខល ខូអិលធីឌី ដែលជាក្រុមហ៊ុនមួយផ្តោតលើសំណង់ និងវិស្វកម្ម។ ប៉ុន្តែក្រៅពីទទួលអត្ថប្រយជន៍ពន្លឺថ្ងៃ ដែលជះចូលក្នុងផ្ទះក៏មានផលប៉ះពាល់មួយចំនួនដែរ។ លោកវិស្វកររូបនេះបានបញ្ជាក់ថា បើសិនជាផ្ទះរបស់យើងមានពន្លឺ ចេញចូលច្រើនពេក វានឹងបាត់បង់ភាពត្រជាក់។ ដូច្នេះ នៅពេលយើងបើកម៉ាស៊ីនត្រជាក់ វាមិនអាចបញ្ចេញនូវភាពត្រជាក់ដល់បន្ទប់បានភ្លាមទេ ពោលគឺវាទាមទារឱ្យយើងចំណាយថាមពលអគ្គិសនីច្រើន។គួរបញ្ជាក់ថា ការបំពាក់បង្អួចកញ្ចក់ដែលរចនាឡើងសម្រាប់ការសន្សំសំចៃថាមពល អគ្គិសនីអាចកាត់បន្ថយការខាតបង់ថាមពលបានច្រើន៕
ដកស្រង់ចេញពី ទស្សនាវដី្តគេហដ្ឋាន
0 comments:
Post a Comment
Welcome To 4khmerarchitect Website