ឪពុកម្តាយត្រូវពិចារណាមុនគេ ថាតើត្រូវប្រើសម្ភារៈអ្វីខ្លះដើម្បីរៀបចំនៅក្នុងបន្ទប់គេង សម្រាប់កុមារឲ្យបានសមស្រប។ ដំបូងឪពុកម្តាយត្រូវផ្តល់សេចក្តីស្រលាញ់ដល់កូនៗរបស់ខ្លួន និងត្រូវតែងបន្ទប់មួយឲ្យស្រស់ស្អាតដើម្បីផ្តល់ការថែទាំដល់ បុត្រាបុត្រីឲ្យមានសុខភាពល្អប្រសើរ។ បន្ទប់គេងកុមារមានបញ្ចូលនូវពណ៌ប៉ាស្តាល់ និង ក្រណាត់ដ៏ល្អប្រណិតផងដែរ។ ប៉ុន្តែអ្វីដែលអាចកើតមានឡើងនៅពេលកូនលោកអ្នកធំឡើងបន្តិចម្តងៗ ក្លាយជាមនុស្សជំទង់ពេលនោះពណ៌ប៉ាស្តាល់នៃផ្កាឈូក ខៀវ លឿង និងក្រណាត់រលោងទាំងឡាយនឹងក្លាយជាពណ៌គួរឲ្យធុញទ្រាន់។ ដូច្នេះអ្វីៗទាំងអស់នេះមិនអាចប្រើបានរយៈពេលវែងនោះទេ នៅពេលកុមារមានការប្រែប្រួលច្រើន ហើយរឹតតែមិនអាចថែរក្សាសោភ័ណភាពក្នុងបន្ទប់បានទៀត។ជំនួសមកវិញ នៅពេលអ្នករចនាបន្ទប់គេងសម្រាប់កូនតូចៗ គឺត្រូវពិចារណា និង បង្កើតគម្រោងមួយឲ្យបានច្បាស់លាស់ ដែលជាតម្រូវការចាំបាច់។ ការបង្កើតគម្រោងមានន័យថា អ្នកត្រូវបង្កើតនូវបន្ទប់មួយដែលងាយស្រួលក្នុងការថែរក្សា ដូចជាការបោកគក់ជាប់លាប់បានល្អ និង ងាយស្រួលផ្លាស់ប្តូរនៅពេលកូនៗធំធាត់។ យុវវ័យស្ទើរតែទាំងអស់គឺមិនចង់បានវាំងននរំយោល ឬ កម្រាលពណ៌ប៉ាស្តាល់ទេ។
កន្លែងទុកឥវ៉ាន់ គឺជាកន្លែងដែលគួរពិចារណា។ ក្មេងៗត្រូវការផ្លាស់ប្តូរសំលៀកបំពាក់របស់ពួកគេ ហើយពួកគេប្រើប្រាស់សំលៀកបំពាក់ច្រើនជាងរបស់របរផ្សេងៗ ដូចជាស្បែកជើងជាដើម ហើយការទុកដាក់របស់របរទាំងនេះ វាកាន់តែកើនឡើងពី១ឆ្នាំ ទៅ១ឆ្នាំ ដែលជាបញ្ហាចោទផងដែរ។
តើបន្ទប់មានតម្លៃប៉ុន្មានទើបសាកសម? តើបន្ទប់ធំទូលាយប៉ុណ្ណាទើបគ្រប់គ្រាន់សម្រាប់ដាក់របស់របរក្មេង លេងបាន? តើបន្ទប់នេះងាយស្រួលដាក់សម្ភារៈទាំងនេះហើយដាក់តាំងនៅកន្លែងណា?
ការរៀបចំធ្នើរកន្លែងដាក់ឥវ៉ាន់កុមារ ជារបៀបដែលអាចធ្វើឲ្យបន្ទប់កាន់តែមានភាពទាក់ទាញ និងផ្តល់ភាពងាយស្រួលតំរៀបជាជួរៗនៃសៀវភៅក្មេងៗ តុក្កតា សៀវភៅពុម្ព ស៊ីឌី សម្ភាៈតន្ត្រី ប្រជុំរឿងព្រេងដែលជាចំណង់ចំណូលចិត្តក្មេងៗ។
ការប្រើប្រាស់កម្រាលព្រំនៅច្រលចូលបន្ទប់ ក៏កាន់តែធ្វើឲ្យបន្ទប់មានភាពស្រស់ស្អាតដែរ ថ្វីត្បិតតែពិបាកថែរក្សាក៏ដោយប៉ុន្តែអ្នកត្រូវធ្វើការសំអាតឲ្យបាន ញឹកញយ ដើម្បីផ្តល់ភាពទាក់ទាញ ដល់កូនជាទីស្រលាញ់របស់អ្នក។
ការលាបពណ៌គ្រឿងសង្ហារឹម ជាពណ៌ដែលមានពន្លឺ ផ្តល់ភាពងាយស្រួលសម្រាប់ផ្លាស់ប្តូរភាពងងឹតទៅជាពន្លឺចែងចាំង Maple គឺជាពណ៌ប្រណិតសម្រាប់តុបតែង ហើយរក្សាភាពស្រស់ស្អាតរយៈពេលច្រើនឆ្នាំ។ គ្រឿងសង្ហារឹមនេះងាយស្រួលសម្រាប់សម្អាតផងដែរ។
ការលាបជញ្ជាំងតែមួយពណ៌ ជាវិធីសាស្ត្រល្អបំផុតសម្រាប់តុបតែងបន្ទប់កុមារ ហើយផ្តល់ភាពងាយស្រួលគ្រប់គ្រាន់ដើម្បីផ្លាស់ប្តូរទៅតាមចំណង់ ចំណូលចិត្តរបស់ពួកគេ។ ទី១ គឺចាប់ផ្តើមរៀបចំបន្ទប់ដ៏ល្អប្រណិត សម្រាប់កូនៗរបស់លោកអ្នក បន្ទាប់មកទៀត គឺផ្លាស់ប្តូរពណ៌ នៅពេលពួកគេកាន់តែធំធាត់ ពីមួយឆ្នាំ ទៅមួយឆ្នាំ។ ចុងក្រោយនេះគឺ ឧស្សាហ៍ផ្លាស់ប្តូរពណ៌ជញ្ជាំង ទៅតាមចំណង់ចំណូលចិត្តរបស់ពួកគេផង៕
ដកស្រង់ចេញពី ទស្សនាវដី្តគេហដ្ឋាន
0 comments:
Post a Comment
Welcome To 4khmerarchitect Website