នេះគឺជាមហិច្ឆតាដ៏ធំមួយរបស់អ្នកវិទ្យាសាស្រ្ត និងតារាវិទូដែលបានខិតខំស្រាវជ្រាវរកមនុស្សពិភពក្រៅ។"ភាវរស់មានជីវិតមាននៅលើភពដទៃទៀត ហើយយើងនឹងរកវាឲ្យឃើញនៅក្នុងរយៈពេល ២០ឆ្នាំខាងមុខនេះ" នេះគឺជាសម្តីរបស់លោក Andrei Finkelstein ជានាយកនៃវិទ្យាស្ថាន Russian Academy of Sciences’s Applied Astronomy Institute។
តែលោក Tullis Onstott អ្នកវិទ្យាសាស្រ្តខាងភូមិវិទ្យា នៅសកលវិទ្យាល័យ Princeton University ដែលជំនាញរបស់គាត់គឺខាងជីវវិទ្យានៅក្នុងលំហអាកាស បានធ្វើការសន្យាថា គាត់នឹងរកឲ្យឃើញភាវរស់មានជីវិតនៅភពដទៃក្នុងរយៈពេល ១៥ឆ្នាំខាងមុខនេះ។
មុននឹងគេឈានទៅដល់ការរកឃើញភាវរស់នៅលើភពដទៃដែល ភាគច្រើននៃភពទាំងនោះសុទ្ធតែមានល័កខ័ណ្ឌអាកាសធាតុក្តៅ ខ្លាំង ហើយភពខ្លះទៀតមានអាកាសធាតុត្រជាក់ខ្លាំង ក្រុមអ្នកវិទ្យាសាស្រ្តក៏បានសម្រេចចិត្តទៅសិក្សាពីជីវិតនៅលើ ផែនដីសិន ដែលពួកគេបានទៅសិក្សាស្រាវជ្រាវនៅតំបន់ដែលមានអាកាសធាតុប្រហែល នឹងភពទាំងនោះ គឺដូចជានៅក្នុងភ្នំភ្លើង និងនៅក្នុងផ្ទាំងទឹកកកតំបន់ប៉ូលជាដើម។
អ្វីដែលគេបានរកឃើញនោះគឺ មិនថានៅក្នុងភ្នំភ្លើង និងនៅក្នុងផ្ទាំង ទឹកកកនោះទេ គេនៅតែអាចរកឃើញមានបាក់តេរីអាចរស់នៅបានជានិច្ច។
ប្រសិនបើបាក់តេរីអាចរស់នៅក្នុង មជ្ឈដ្ឋានបែបនេះ នោះគេសន្និដ្ឋានថា នៅលើភពផ្សេងទៀតដូចជាភពព្រះអង្គារជាដើម ក៏អាចមានបាក់តេរីរស់នៅផងដែរ។ គេបានធ្វើការពន្យល់ថានេះជាតំណាក់កាលដំបូងរបស់ ជីវិត។
ដោយសារតែមានការសន្និដ្ឋានបែបនេះហើយ បានជាការស្វែងរកជីវិតនៅភពដទៃក៏បានចាប់ផ្តើម។ ហើយអ្នកវិទ្យាសាស្រ្តនឹងត្រៀម បញ្ចូន យានអវកាស ទៅភពមួយចំនួនដូចជា ភពព្រះអង្គារ(Mars) និងទៅ ព្រះចន្ទដ៏ត្រជាក់( icy moon)របស់ភពព្រះព្រហស្បតិ( Jupiter) មិនតែប៉ុណ្ណោះគេក៏បានបង្កើតកែវយឹតថ្មីដែលអាចមើលបានឆ្ងាយជាង មុនទៀតផង គឹអាចមើលសញ្ញានៃជីវិតផ្ទាល់តែម្តង។គម្រោងនេះវាយូរបន្តិច តែនៅពេលដែលឮពីគម្រោងនេះភ្លាម គឺពិតជាធ្វើឲ្យមនុស្សគ្រប់រូបមានអារម្មណ៍រំភើបណាស់ ជាពិសេសនៅពេលដែលគេផ្តល់ពត៌មានមកថា បានប្រទះឃើញជីវិតនៅភពដទៃ។
0 comments:
Post a Comment
Welcome To 4khmerarchitect Website