គេហទំព័រសម្រាប់ស្ថាបត្យករខ្មែរ: តោះ! មើលទិដ្ឋភាពផែនដីពីទីអាវកាសទាំងអស់គ្នា

ទិដ្ឋភាពនៃផែនដី

លោក James Drake បានចំណាយពេល ៨០ថ្ងៃ នៅទីអាវកាសដើម្បីធ្វើដំណើរ ២២០ម៉ាយល៍ខាងលើផែនដី ដើម្បីបង្កើតនូវវីដេអូស្ដីពីទិដ្ឋភាពដ៏អស្ចារ្យនៃផែនដីដ៏ស្រស់ ស្អាតរបស់យើង។ អ្នកមិនចាំបាច់ចំណាយពេលដល់ទៅ ៨០ថ្ងៃដូចអ្នកវិទ្យាសាស្រ្ដម្នាក់នេះទេ ពោលគឺអ្នកនឹងចំណាយពេលតែមួយនាទីប៉ុណ្ណោះ ដើម្បីឃើញទិដ្ឋភាពដ៏អស្ចារ្យនេះ។ វីដេអូទេសចរលើផ្ទៃផែនដី (វីដេអូខាងក្រោម) នេះ គឺជាការប្រើប្រាស់នូវបច្ចេកវិទ្យាចុងក្រោយបំផុតដើម្បីថតពី ស្ថានីយ៍អាវកាសអន្តរជាតិ (ISS)។ ក្រោយពីបានដាក់បង្ហោះតាមអ៊ីនធើណិត វីដេអូនេះ បានក្លាយទៅជាវីដេអូដ៏ពេញនិយមបំផុតនៅក្នុងប្រព័ន្ធអ៊ីនធើណិត។
គ្រាន់តែដាក់បញ្ចូល (upload) វីដេអូនេះកាលពីថ្ងៃទី១៥កញ្ញាភ្លាម វាបានទាក់ទាញអ្នកចូលទស្សនាដល់ទៅ៥ម៉ឺនដងក្នុង YouTube។
ស្ថានីយ៍អាវកាសអន្តរជាតិ ISS ដែជាកន្លែងថតយកវីដេអូនេះ ត្រូវបានគេរំពឹងថា នឹងនូវតែមានប្រតិបត្តការរហូតដល់ឆ្នាំ ២០២០ ហើយនៅឆ្នាំ ២០២៨ រូស្ស៊ីនឹងធ្វើការបំបែកចេញពីស្ថានីយ៍នេះ ទៅបង្កើតស្ថានីយ៍អាវកាស OPSEK វិញ។
ប្រិយមិត្តប្រាកដជាមានអារម្មណ៍ថាកំពុងហោះហើរលើផែនដីជាមិន ខាន នៅពេលកំពុងមើលវីដេអូនេះ។ ដោយមិនបាច់រៀបរាប់អីច្រើន សូមប្រិយមិត្ត ចុចមើលវីដេអូរយៈពេលជាង១នាទី ដែលនៅខាងក្រោមរូបភាព ដើម្បីមើលនូវទិដ្ឋភាពដ៏អស្ចារ្យនៃផែនដីដែលយើងកំពុងរស់នៅ៖