គេហទំព័រសម្រាប់ស្ថាបត្យករខ្មែរ: វត្តរ៉ងខុន ( ប្រទេសថៃ )

វត្តរ៉ងខុន (ថៃ៖ วัดร่องขุ่น) គឺជាវត្តមួយបែបព្រះពុទ្ធ និងហិណ្ឌូ ស្ថិតនៅឯខេត្តជៀងរ៉ាយ របស់ប្រទេសថៃ រចនា និងកសាងដោយ ឆ្លើមជ័យ ឃោសិតភិវឌ្ឍន៍ តាំងពីព.ស.២៥៤០។
ប្រវត្តិ
ឆ្លើមជ័យ ឃោសិតភិវឌ្ឍន៍ បានទទួលកម្លាំងចិត្តក្នុងការកសាងវត្ត មកពីធាតុបីដូចតទៅនេះ៖

ជាតិ៖ ដោយការស្រឡាញ់ប្រទេសជាតិ ស្រឡាញ់ការងារសិល្បៈ ទើបសម្រេចកសាងការងារសិល្បៈដ៏ធំអស្ចារ្យនេះទុកជាសម្បត្តិផែនដី (ថៃ)
សាសនា៖ ធម៌ បានផ្លាស់ប្ដូរជីវិតរបស់លោកអាចារ្យ ឆ្លើមជ័យ ពីក្ដៅមកជាត្រជាក់ ទើបឧទ្ទិសខ្លួនចំពោះព្រះពុទ្ធសាសនា
ព្រះមហាក្ស័ត្រិយ៍៖ បន្ទាប់ពីការចូលបង្គំគាល់ ថ្វាយការងារដល់ព្រះអង្គ (ស្ដេចថៃ) ជាច្រើនលើកច្រើនគ្រា ធ្វើឲ្យអាចារ្យ ឆ្លើមជ័យ ស្រឡាញ់ព្រះអង្គខ្លាំងណាស់។ ពីការមើលឃើញព្រះអច្ឆិរិយភាពខាងសិល្បៈ និងព្រះមេត្តារបស់ព្រះអង្គ ទើបកកើតឲ្យមានការភ្ញាក់រឭកនៃព្រះមហាករុណាធិគុណ ទើបប្រាថ្នានឹងកសាងការងារពុទ្ធសិល្បៈថ្វាយជាការងារសិល្បៈប្រចាំ រជ្ជការព្រះអង្គ។

អត្ថន័យរបស់ឧបោសថ

ព័ណ៌ស៖ ព្រះបរិសុទ្ធិគុណរបស់ព្រះពុទ្ធអង្គ
ស្ពាន៖ ការដើរឆ្លងពីសង្សារវដ្ដឆ្ពោះពុទ្ធភូមិ
ចង្កូម ឬមាត់ស្ដេចមារ៖ កិលេសក្នុងចិត្ត
ខ្នងស្ពាន៖ មានអសូរ មួយខាង៨ សរុបទាំងពីរខាង គឺឧបកិលេសទាំង១៦
ផ្នែកកណ្ដាលនៃស្ពាន៖ ភ្នំព្រះសុមេរុ
ផ្កាឈូកទិព្វ៖ មានផ្កាធំចំនួន៤ នៅផ្លូវចូលទៅឧបោសថ និងព្រះអរិយអង្គ៤ព្រះអង្គ គឺព្រះសោតាប័ន ព្រះសកិទាគាមិ ព្រះអនាញាមិ និងព្រះអរហន្ត
ជណ្ដើរឡើង៖ មានបីជាន់ អនិចំ ទុក្ខំ អនត្តា

ការកសាង

ប្រើរយៈវេលា១៣ឆ្នាំក្នុងការកសាង និងចំណាយថវិកាជាង៤០០លានបាត
ប៉ាន់ស្មានថានឹងកសាងឧបោសថចំនួន៩ខ្នង ឲ្យស្រេចសម្បូណ៍ ក្នុងរយៈវេលា៦០ទៅ៧០ឆ្នាំ

ទីតាំង

ស្ថិតនៅឃុំប៉ាអដយជ័យ ស្រុកមឿង ខេត្តជៀងរ៉ាយ ៥៧០០០។
ទូរស័ព្ទ៖ ០៥៣៦៧៣៥៧៩
គេហទំព័រ៖ www.watrongkhun.org

វត្ត៖ បើកឲ្យចូលទស្សនារាល់ថ្ងៃ ពីម៉ោង៦.៣០ ដល់ ១៨.០០
បន្ទប់ពិព័រណ៌៖ បើកឲ្យចូលទស្សនារាល់ថ្ងៃច័ន្ទ ដល់ថ្ងៃសុក្រ ពីម៉ោង៨.០០ ដល់ ១៧.៣០ ចំណែកថ្ងៃសៅរ៍ អាទិត្យ និងថ្ងៃឈប់សម្រាក ម៉ោង៨.០០ ដល់ ១៨.០០។